News

សញ្ញាណទាំង៣ ដែលធ្វើឲ្យអ្នកវិនិយោគខុនដូ ទឹកភ្នែក

យោងតាមការស្រាវជ្រាវរបស់ business Cambodia កន្លងមក យើងរកឃើញពីបញ្ហារបស់អ្នកវិនិយោគស្រដៀងៗគ្នា ដែលធ្វើឲ្យគាត់វិនិយោគលើខុនដូ ទឹកភ្នែក ពោលមិនមែនដោយសារគម្រោងរបស់គេមិនល្អនោះទេ ប៉ុន្តែដោយសារ ៣កត្តាខាងក្រោម៖

១. ជឿលើភ្នាក់ងារអចលទ្រព្យខ្វះវិជាជីវៈ

ក្នុងបទសម្ភាសមួយ លោក អ៊ិន សីហា នាយកផ្នែកអភិវឌ្ឍន៍អាជីវកម្មរប​ស់ក្រុមហ៊ុន  VTrust Appraisal លើកឡើងស្រដៀងនេះដែរ។ លោកថា “​ពិតណាស់កំហុសឆ្គងដ៏សាមញ្ញបំផុតដែលអ្នកអភិវឌ្ឍន៍ អចលនទ្រព្យជួបប្រទះគឺនៅពេលដែលទីផ្សារកម្ពុជាផ្លាស់ប្តូរឆា​ប់រហ័សពេក។ មុនពេលការចាប់ផ្តើមគម្រោងណាមួយដែលការសិក្សាលទ្ធភាពដែលអាចជោគជ័យគឺសំខាន់ខ្លាំងណាស់។ ហើយពួកគេត្រូវទទួលយកអនុសាសន៍ពីភ្នាក់ងារអចលនទ្រព្យដែលមានជំនាញវិជ្ជាជីវៈ។”

២. មិនបានរៀបចំផែនការហិរញ្ញវត្ថុ

នេះគឺជាកំហុសឆ្គងដ៏ធំបំផុតដែលវិនិយោគិនបង្កើតឡើងគ្រាន់តែអ្នក​មានលុយសល់ច្រើននៅក្នុងគណនីធនាគាររបស់អ្នកបន្ទាប់ពីទិញ​អចលនទ្រព្យ​មិនមានន័យថាអ្វីគ្រប់យ៉ាងត្រូវបានបង់រួចរាល់ទាំងស្រុងនោះទេ។

វិនិយោគិនមួយចំនួន​គិតថាការចំណាយបញ្ចប់បន្ទាប់ពីការទិញអចលនទ្រព្យនេះតាមភាពជាក់ស្តែងការចំណាយចាប់ផ្តើមមានជាប់ជានិច្ច។ នេះគឺជាមូលហេតុដែលផែនការថវិការត្រឹមត្រូវនឹងធ្វើឲ្យអ្នករឹងមាំនៅក្នុង​ទីផ្សារដោយសារអ្នកដឹងច្បាស់ពីប្រាក់ដែលអ្នកមានដឹងថានឹងត្រូវ​ចំណា​យ​លើអ្វីខ្លះ  និងដឹងថាអ្នកអាចមានទទួលបានផលចំណេញប៉ុន្មាន។

៣. ទិញតាមគេ

ការទិញតាមគេ  គឺជាសញ្ញាណ គ្រោះថ្នាក់បំផុត នៅពេលដែលអ្នកវិនិយោគ មិនបានសិក្សាពីគម្រោងនេះច្បាស់លាស់ ប៉ុន្តែ ពួកគាត់លឺ​តែគេ​ថា លឺតែគេនិយាយថាល្អបែបនេះ ល្អបែបនោះ បានធ្វើឲ្យគាត់លង់ក្នុង ចង្វាក់នៃការទិញគ្មានមូលដ្ឋាន។  ម្យ៉ាងវិញទៀត នៅពេលដែលគាត់​ជ្រួលជ្រើមទិញតាមគេ បន្ទាប់មក ទៅព្រឹក្សាជាមួយភ្នាក់ងារដែលមិនច្បាស់ពីពត៌មាន នឹងធ្វើឲ្យ គ្រោះថ្នាក់កាន់តែធំ។